Hamrarnir unnu endurkomusigur gegn sameiginlegu liði Fjarðabyggðar, Hattar og Leiknis þegar liðin áttust við í 2. deild kvenna í kvöld.

Freyja Karín Þorvarðardóttir, sem hefur verið frábær í upphafi móts og raðað inn mörkunum, negldi boltanum í netið og kom gestunum yfir.

Hamrarnir svöruðu því vel og jafnaði Ísfold Marý Sigtryggsdóttir fyrir þær. Hafrún Mist Guðmundsdóttir kom Hömrunum svo yfir snemma í seinni hálfleiknum og þar við sat.

Lokatölur 2-1 og fara Hamrarnir upp í fjórða sæti með tíu stig. Fjarðab/Höttur/Leiknir er í þriðja sæti með 12 stig.