Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 30. nóvember 2020 12:30
Elvar Geir Magnússon
Martial veikur - Fór heim af æfingu eftir ellefu mínútur
Anthony Martial.
Anthony Martial.
Mynd: Getty Images
Ólíklegt er talið að franski sóknarmaðurinn Anthony Martial geti verið með Manchester United gegn PSG í Meistaradeildinni á miðvikudag.

Martial ferðaðist með í leikinn gegn Southampton í gær en vegna veikinda var hann eftir á hótelinu á meðan United vann 3-2 endurkomusigur.

Frakkinn mætti á æfingu á Carrington æfingasvæðinu í dag en yfirgaf æfinguna eftir aðeins ellefu mínútur. Samkvæmt enskum fjölmiðlum sendu læknar United hann heim.

Martial hefur ekki skorað úrvalsdeildarmark á þessu tímabili en verið í betri gír í Meistaradeildinni þar sem hann er með tvö mörk og tvær stoðsendingar í fjórum leikjum.

Edinson Cavani gæti byrjað fyrir United gegn sínu fyrrum félagi.

Van de Beek og David de Gea eru tæpir fyrir leikinn. Spænski markvörðurinn meiddist á hné gegn Southampton og mun fara í nánari skoðun í dag.
Athugasemdir
banner
banner
banner