banner
   þri 31. janúar 2023 12:02
Elvar Geir Magnússon
Marseille ætlar ekki að láta Guendouzi fara í dag
Mynd: EPA
Olympique Marseille ætlar ekki að láta miðjumanninn Matteo Guendouzi fara í dag. Fabrizio Romano greinir frá þessu á Twitter.

Guendouzi var orðaður við Aston Villa en Romano segir engar viðræður í gangi milli Marseille og enska félagsins.

Guendouzi er 23 ára gamall og býr yfir reynslu úr enska boltanum eftir dvöl sína hjá Arsenal þar sem hann spilaði 82 leiki á tveimur árum.

Hann er lykilmaður hjá Marseille og hefur spilað 7 leiki fyrir franska A-landsliðið síðustu tvö ár og fékk að fara með á HM í Katar þar sem liðsfélagar hans hrepptu silfurverðlaunin.

Hann hefur einnig verið orðaður við West Ham, Atletico Madrid og fleiri félög. Búast má við einhverjum tilboðum næsta sumar.



Athugasemdir
banner
banner