Barcelona ætlar sér að fá Lionel Messi í sínar raðir á nýjan leik, spænska félagið er þó ekki í frábærri stöðu gagnvart fjármálareglum á Spáni og gæti þurfti að fara krókaleiðir til að tryggja það að Messi spili með félaginu á komandi tímabili.
Messi er goðsögn í Barcelona en hefur undanfarin tvö tímabil leikið með PSG í Frakklandi.
Hann hefur verið orðaður við skipti til Sádí-Arabíu undanfarna daga en samkvæmt L'Equipe væri Messi og fjölskylda hans frekar til í að fara aftur til Barcelona.
Messi er goðsögn í Barcelona en hefur undanfarin tvö tímabil leikið með PSG í Frakklandi.
Hann hefur verið orðaður við skipti til Sádí-Arabíu undanfarna daga en samkvæmt L'Equipe væri Messi og fjölskylda hans frekar til í að fara aftur til Barcelona.
Samningur Argentínumannsins við PSG rennur út í sumar og er hann sagður með risatilboð á borðinu frá Al-Hilal í Sádí-Arabíu.
Krókaleiðin sem Barcelona er sögð horfa til er sú að Messi gangi í raðir bandaríska félagsins Inter Miami og yrði í kjölfarið lánaður til Barcelona. Það yrði leiðin sem væri farin til að brjóta ekki fjármálareglurnar á Spáni.
David Beckham, fyrrum leikmaður Manchester United, Real Madrid, PSG, LA Galaxy og AC Milan, er meðeigandi Inter Miami.
Messi verður 36 ára í sumar. Í vetur varð hann, eins og allir vita, heimsmeistari með Argentínu og bætti með því enn einum verðlaununum við glæstan feril sinn.
Sjá einnig:
Messi bætti met er PSG varð meistari í ellefta sinn
Athugasemdir