Clinton til Birmingham.(Staðfest)

Ensku nýliðarnir í úrvalsdeildinni, Birmingham gengu í gær frá kaupum á Clinton Morrison frá Crystal Palace. Félögin neituðu að gefa upp kaupverðið en talið er að það sé 4,25 milljón pund. Þá fór Andrew Johnson til Palace frá Birmingham á 750 þúsund pund. Þeir komust báðir í gegnum læknisskoðun á mánudag og voru félagsskiptin kynnt síðdegis í gær. Steve Bruce stjóri Birmingham sagðist hafa verið að eltast við Morrison í allt sumar en hann stjórnaði Morrison hjá Palace fram í desember síðastliðnum. ,,Hann hefur verið aðaltakmarkið mitt allan timann og ég er viss um að honum á eftir að ganga vel og skora mörk hjá Birmingham" sagði Bruce. ,,Þetta hefur tekið lengri tíma en búist var við en félagið er ánægt með að hafa keypt Clinton á fjögurra ára samning."