Hannes Þór Halldórsson.
„Ég var ekki búinn á því eftir þetta ferðalag. Þetta var klukkutími í lest og mjög þægilegt," sagði Hannes Þór Halldórsson, markvörður NEC Nijmegen, en hann þurfti að fara í stutt ferðalag innanlands til að hitta íslenska landsliðið í Hollandi.
Hannes kom til NEC frá Sandnes Ulf á dögunum og hefur haft nóg að gera í fyrstu leikjunum í Hollandi.
Hannes kom til NEC frá Sandnes Ulf á dögunum og hefur haft nóg að gera í fyrstu leikjunum í Hollandi.
„Þetta er allt annað. Það er miklu meiri hraði og meira að gera. Þetta er öðruvísi fótbolti. Maður fann á fyrsta degi að það er mikið um að halda boltanum, að spila stutt út frá markmanni og spila mikið til baka. Það eru fleiri aðgerðir í hverjum leik og það er mikil einbeiting og orka sem fer í hvern leik. Þetta er krefjandi en skemmtilegt."
Væntingar Hollendinga eru misjafnar fyrir leikinn í Amsterdam á fimmtudag.
„Mér finnst almennt að fólk sé ekkert alltof ánægt með hollenska liðið og hafi ekki tröllatrú á því. Maður skynjar líka að menn reikna með því að Holland labbi yfir okkur,"
Hannes segir að Ísland muni sækja til sigurs í leiknum á fimmtudag. „Við munum reyna að nýta þá séna sem gefast í leiknum til að vinna. Við erum ekki að fara að spila upp á jafntefli. Ef staðan er jöfn þegar dómarinn flautar af þá finnst mér líklegt að menn gefi high-five og vera sáttir með það. Staðan í riðlinum er þannig að jafntefli nýtist okkur miklu betur en þeim nokkurntímann."
„Við þurfum samt að sækja til sigurs og á frábærum degi getum við unnið hvaða lið sem er. Við vonum að þetta verði frábær dagur, allt gangi upp og við vinnum Hollendingana."
Hér að ofan má sjá viðtalið í heild sinni.
Athugasemdir
