Hollendingurinn Arne Slot vonast til að verða ráðinn næsti stjóri Liverpool. Enska félagið hefur rætt við Feyenoord og hefur áhuga á að Slot taki við þegar Jurgen Klopp lætur af störfum í sumar.
Slot ræddi við fjölmiðla fyrir leik Feyenoord gegn Go Ahead Eagles.
Slot ræddi við fjölmiðla fyrir leik Feyenoord gegn Go Ahead Eagles.
„Það er alveg klárt að ég vil þetta starf. Ég veit bara að félögin eru að tala saman, á meðan er ég á biðstofunni," sagði Slot.
Hann segist bjartsýnn á að félagið nái samkomulagi.
Hinn 45 ára Slot stýrði Feyenoord til hollenska meistaratitilsins 2023. Liðið vann hollenska bikarinn á þessu tímabili og er sem stendur í öðru sæti hollensku úrvalsdeildarinnar. Sóknarþenkjandi leikstíll Slot og hæfileikar hans til að þróa leikmenn geðjast forráðamönnum Liverpool.
Athugasemdir