WBA komst í 2-0 í fyrri hálfleik en Watford minnkaði muninn í síðari hálfleik og var líklegri aðilinn þegar Roberto Pereyra var vikið af velli með rautt spjald skömmu fyrir leikslok.

WBA nýtti sér liðsmuninn og gerði út um leikinn með marki í uppbótartíma. Mazzari var afar ósáttur með frammistöðu dómarans.

„Ég er mjög ánægður með spilamennsku míns liðs. Ég tel þetta vera bestu frammistöðu liðsins undir minni stjórn og við áttum skilið að vinna."

„Það var brotið á Pereyra. Hann lá í jörðinni og það var sparkað í hann. Hann stendur upp og ýtir aðeins frá sér. Svo fær hann rautt spjald. Þetta var ósanngjörn dómgæsla og hafði mikil áhrif á leikinn," segir Mazzarri.