Er á leið í háskólanám í Bandaríkjunum í júlí
Hulda Hrund Arnarsdóttir, fyrirliði Fylkis, mun ekki leika meira með liðinu í Pepsi-deildinni í sumar. Hulda Hrund lék fyrstu tvo leiki Íslandsmótsins með Fylki en meiddist svo á hné og gat ekki tekið þátt fyrr en gegn ÍBV fyrir tæpum tveimur vikum.
Þá kom hinsvegar í ljós að Hulda Hrund er komin með brjóskskemmdir í aftanverðum lærlegg og undir hnéskel og verður því ekki leikfær í bráð.
Þá kom hinsvegar í ljós að Hulda Hrund er komin með brjóskskemmdir í aftanverðum lærlegg og undir hnéskel og verður því ekki leikfær í bráð.
Hún er svo á leið til Bandaríkjanna í háskólanám eftir rúma viku og mun því ekki leika meira með Fylkisliðinu í Pepsi-deildinni.
Í Bandaríkjunum mun hún leika með háskólaliði Wake Forest í Norður Karólínu sem leikur í ACC-deildinni í division 1.
Þetta er mikil blóðtaka fyrir Fylki sem er í harðri baráttu um að halda sæti sínu í deildinni og situr sem stendur í 9. sæti með 4 stig eftir 10 leiki.
Athugasemdir