Alan Shearer, fyrrum sóknarmaður Newcastle og enska landsliðsins, er á því máli að miðjumaðurinn Danny Drinkwater eigi aldrei aftur að fá tækifæri til að spila fyrir Englands hönd.

Drinwater neitaði boði landsliðsþjálfarans, Gareth Southgate, að koma inn í landsliðshópinn fyrir vináttulandsleiki gegn Þýskalandi og Brasilíu, en það hefur valdið usla í fótboltasamfélaginu í Englandi.

Drinkwater ákvað að hafna boðinu þar sem hann er að stíga upp úr meiðslum og hefur lítið spilað með Chelsea á tímabilinu.