Ólafur Kristjánsson.
Frá blaðamannfundinum í dag.
FH boðaði til fréttamannafundar í Kaplakrika í dag og kynnti þar til leiks tvo nýja leikmenn, Kristinn Steindórsson og Geoffrey Castillion.
Kristinn losnaði í gær undan samningi hjá GIF Sundsvall í Svíþjóð eftir tveggja ára dvöl þar. Hann spilaði síðast í Pepsi-deildinni árið 2011 með uppeldisfélagi sínu Breiðabliki.
Geoffrey er hollenskur framherji sem skoraði ellefu mörk í sextán leikjum í Pepsi-deildinni með Víkingi R. síðastliðið sumar.
Ólafur Kristjánsson, þjálfari FH, ræddi við Fótbolta.net um liðsstyrkinn.
„Kristinn hef ég haft í sigtinu í nokkur ár, hann er vel uppalinn og góður drengur. Bæði þegar ég var hjá Nordsjælland og Randers var það nafn sem kom upp á borð. Og svo núna, þegar það varð ljóst að hann yrði ekki áfram hjá Sundsvall þá er um að gera að reyna að grípa í hann og það tókst," sagði Ólafur.
„Castillion, erum við búnir að ræða við síðan það var ljóst að ég yrði hér. Ég fylgdist með honum í sumar og finnst hann vera góður leikmaður sem að hentar FH-liðinu vel og þeim fótbolta sem menn hafa verið að spila og munu reyna að spila í sumar."
Kristinn losnaði í gær undan samningi hjá GIF Sundsvall í Svíþjóð eftir tveggja ára dvöl þar. Hann spilaði síðast í Pepsi-deildinni árið 2011 með uppeldisfélagi sínu Breiðabliki.
Geoffrey er hollenskur framherji sem skoraði ellefu mörk í sextán leikjum í Pepsi-deildinni með Víkingi R. síðastliðið sumar.
Ólafur Kristjánsson, þjálfari FH, ræddi við Fótbolta.net um liðsstyrkinn.
„Kristinn hef ég haft í sigtinu í nokkur ár, hann er vel uppalinn og góður drengur. Bæði þegar ég var hjá Nordsjælland og Randers var það nafn sem kom upp á borð. Og svo núna, þegar það varð ljóst að hann yrði ekki áfram hjá Sundsvall þá er um að gera að reyna að grípa í hann og það tókst," sagði Ólafur.
„Castillion, erum við búnir að ræða við síðan það var ljóst að ég yrði hér. Ég fylgdist með honum í sumar og finnst hann vera góður leikmaður sem að hentar FH-liðinu vel og þeim fótbolta sem menn hafa verið að spila og munu reyna að spila í sumar."
Kristinn Steindórsson hefur verið að spila inn á miðjunni hjá Sundsvall, en hvar mun hann spila hjá FH?
„Hann er mjög fjölhæfur. Hann hefur verið að spila inn á miðju í varnarsinnuðu hlutverki hjá Sundsvall, en ég sé hann fyrst og fremst fyrir mér sem miðjumann sem er sóknarsinnaður, "tía", getur komið af kanti inn í holu. En eins og hann hefur þroskast sem leikmaður getur hann spilað þetta svokallaða áttu hlutverk, að vera ekki varnarsinnaður en með varnarhlutverk."
Er von á frekari liðsstyrk í Hafnarfirðinum?
„Vonandi verðum við sterkari að öllu leyti, bæði þeir sem eru komnir og hafa verið áður. Svo er alltaf möguleiki að við séum enn að kíkja í kringum okkur," sagði Óli við því.
„Sóknarlínan er farin að líta vel út, miðjan er prýðilega mönnuð. Við erum kannski með fæsta leikmenn í varnarstöðum og það er eitthvað sem við skoðum bara. Það eru kannski flest spurningamerki þar, svona miðað við það sem hefur verið áður."
FH er að skoða miðverði og Ólafur viðurkennir að það séu nokkur nöfn á blaði í tengslum við þá stöðu.
„Það væri óábyrgt ef við værum ekki með nöfn á blaði, en hvað verður er ómögulegt að segja."
Viðtalið í heild sinni er hér að ofan.
Athugasemdir
