ÍR hefur orðið fyrir áfalli í Inkasso-deildinni en miðjumaðurinn Viktor Örn Guðmundsson verður væntanlega frá keppni út tímabilið eftir að í ljós kom að fremra krossband er slitið.
Guðmundur Hilmarsson, faðir Viktors og íþróttafréttamaður á Morgunblaðinu, greinir frá þessu á Twitter í dag.
„Það eru ekki alltaf jólin í sportinu. Minn uppáhalds leikmaður sem er auðvitað sonur minn, Viktor Örn, var að fá niðurstöðu vegna meiðsla sem hann varð fyrir í leik í mars. Fremra krossbandið er slitið. Er sannfærður um að hann kemur sterkari til baka með sinn flotta gullfót," segir Guðmundur.
Viktor Örn, sem er uppalinn hjá FH, var í lykilhlutverki hjá ÍR í Inkasso-deildinni í fyrra en hann skoraði þá þrjú mörk í 21 leik.
Guðmundur Hilmarsson, faðir Viktors og íþróttafréttamaður á Morgunblaðinu, greinir frá þessu á Twitter í dag.
„Það eru ekki alltaf jólin í sportinu. Minn uppáhalds leikmaður sem er auðvitað sonur minn, Viktor Örn, var að fá niðurstöðu vegna meiðsla sem hann varð fyrir í leik í mars. Fremra krossbandið er slitið. Er sannfærður um að hann kemur sterkari til baka með sinn flotta gullfót," segir Guðmundur.
Viktor Örn, sem er uppalinn hjá FH, var í lykilhlutverki hjá ÍR í Inkasso-deildinni í fyrra en hann skoraði þá þrjú mörk í 21 leik.
ÍR er með þrjú stig eftir fjóra leiki í byrjun móts en talsverð meiðsli hafa verið hjá liðinu í byrjun sumars. Miðjumaðurinn Stefán Þór Pálsson er meðal annars frá keppni sem og framherjinn Jón Gísli Ström.
„Stefán Þór þurfti því miður að fara í aðgerð í byrjun maí," sagði Brynjar Gestsson, þjálfari ÍR, eftir tapið gegn Leikni R. í gær. Viðtalið má sjá hér að neðan.
Athugasemdir