Aron Einar Gunnarsson, fyrirliði íslenska landsliðsins, varð faðir í fyrsta sinn í fyrra þegar hann og kærasta hans, Kristbjörg Jónasdóttir, eignuðust son. Aron segir að sonurinn sé í huga sér þegar hann leiðir íslenska landsliðið inn á völlinn á Evrópumótinu.
„Ég er alltaf að hugsa um þetta. Það þekkja allir söguna af því þegar ég fór í landsleik og missti af fæðingu hans. Þá var bara ákveðið að gera þetta nógu andskoti vel svo maður myndi ekki horfa til baka og hugsa: 'Djöfullinn, af hverju gerði ég þetta?'," segir Aron sem var í Kasakstan þegar sonur hans, Óliver, kom í heiminn.
Óliver hefur fylgst með pabba sínum á EM gegnum sjónvarpsskjáinn eins og sést á þessu myndbandi.
„Ég setti inn myndband á Instagram þar sem hann bendir á skjáinn þar sem ég sést vera að stjórna fagni. Maður fær bara kökk í hálsinn því ég hef ekki séð hann í mánuð. Það er víst partur af þessu."
Smelltu hér til að horfa á viðtalið við Aron í heild
Fyrirliðinn hefur ekki séð son sinn í mánuð #fotboltinet #isl #EURO2016 pic.twitter.com/RUTQFvOXP1
— Fótboltinet (@Fotboltinet) July 2, 2016
Athugasemdir