Wenger og félagar töpuðu tveimur stigum í kvöld.
Arsene Wenger, stjóri Arsenal, var svekktur eftir markalaust jafntefli sinna manna gegn Southampton í ensku úrvalsdeildinni í kvöld.
Wenger segir að sínir menn hafi fengið nóg af færum og hefðu með réttu átt að vinna leikinn.
Wenger segir að sínir menn hafi fengið nóg af færum og hefðu með réttu átt að vinna leikinn.
„Við settum allt í þetta og sköpuðum færi, ég get ekki skammað liðið á þeim vígstöðvum. Þetta er ekki bara heppni, ég trúi ekki of mikið á heppni. Við erum svekktir og með samviskubit, þú vilt vinna leiki þar sem þú skapar færi. Við fengum tækifæri til að vinna en markvörðurinn þeirra hélt þeim í leiknum," sagði Wenger.
„Það verður alltaf að búast við því að andstæðingurinn spili vel en þrátt fyrir það þarf maður að skora. Við fengum færi í öllum regnbogans litum og það leit út fyrir að við myndum vinna. En stundum tapar maður svona leikjum."
Wenger brást ekkert allt of vel við þegar hann var spurður út í það hvort „sama gamla Arsenal" sem missir stig á ögurstundu væri aftur komið á kreik.
„Heyrðu, ég veit ekki hvað þú meinar með sama gamla Arsenal. Í 20 ár höfum við verið á toppi úrvalsdeildarinnar. Í augnablikinu verðum við að viðurkenna að við töpuðum stigum en við verðum að halda áfram að berjast og hafa trú," sagði Wenger.
Athugasemdir
