Rúnar Páll Sigmundsson fagnaði sigri í kvöld en Stjarnan vann 1-0 útisigur gegn ÍA. Rúnar fór í viðtal við Fótbolta.net eftir leik og má sjá það í spilaranum hér að ofan.
Lestu um leikinn: ÍA 0 - 1 Stjarnan
„Við vorum fínir í fyrri hálfleik og höfðum yfirburði. Svo breytist þetta og Skagamenn komu til leiks í seinni hálfleik með miklum krafti. Þeir voru með vindinn og það hafði áhrif á þeirra leik," segir Rúnar.
„Það er erfitt að koma hingað upp á Skaga og sækja þrjú stig. Við vorum búnir að grandskoða þá. Þeir sparka löngum boltum fram og við áttum í erfiðleikum með það í vindinum. Þeir fengu hættuleg færi en náðu sem betur fer ekki að skora."
Athugasemdir