Toppliðin fjögur unnu sína leiki í ensku Úrvalsdeildinni í kvöld þar sem Eden Hazard gerði eina mark toppliðs Chelsea í nágrannaslagnum gegn West Ham.
David Silva og James Milner gerðu mörkin er Manchester City lagði botnlið Leicester af velli á meðan Olivier Giroud og Alexis Sanchez sáu um QPR.
David Silva og James Milner gerðu mörkin er Manchester City lagði botnlið Leicester af velli á meðan Olivier Giroud og Alexis Sanchez sáu um QPR.
Ashley Young gerði eina mark Manchester United á útivelli gegn Newcastle þar sem útlit var fyrir markalaust jafntefli þar til á síðustu mínútunum. Young skoraði frekar tilviljanakennt mark þar sem Tim Krul í marki heimamanna gerðist sekur um herfileg mistök.
Gylfi Þór Sigurðsson skoraði gegn sínum gömlu félögum í Tottenham en gat ekki komið í veg fyrir tap Swansea í fimm marka leik. Stoke City lagði þá Everton af velli og eru þeir bláklæddu aðeins búnir að fá tvö stig af síðustu fimmtán mögulegum.
West Ham 0 - 1 Chelsea
0-1 Eden Hazard ('22)
Manchester City 2 - 0 Leicester
1-0 David Silva ('45)
2-0 James Milner ('88)
QPR 1 - 2 Arsenal
0-1 Olivier Giroud ('64)
0-2 Alexis Sanchez ('69)
1-2 Charlie Austin ('82)
Newcastle 0 - 1 Manchester United
0-1 Ashley Young ('89)
Tottenham 3 - 2 Swansea
1-0 Nacer Chadli ('7)
1-1 Ki Sung-Yong ('19)
2-1 Ryan Mason ('51)
3-1 Andros Townsend ('60)
3-2 Gylfi Þór Sigurðsson ('89)
Stoke City 2 - 0 Everton
1-0 Victor Moses ('32)
2-0 Mame Biram Diouf ('85)
Athugasemdir