Það er nóg að gerast í fótboltanum hér á landi í dag en hæst ber fyrsta leikinn í 8 liða úrslitum Borgunarbikars karla þar sem ÍBV fær Fylki í heimsókn til Vestmannaeyja.

Í 1. deildinni gæti Fjarðabyggð færst nær toppnum þegar liðið fær BÍ/Bolungarvík í heimsókn í Fjarðabyggðarhöllina og í 2. deildinni er toppslagur ÍR og Hugins. ÍR á toppnum með 25 stig og Huginn með 22 stig í 2. sætinu og gæti jafnað þá að stigum.