Fimm leikir voru að klárast nú rétt í þessu í þýsku Bundesligunni.

Landsliðsmaðurinn, Alfreð Finnbogason kom af bekknum og spilaði síðustu 20 mínúturnar þegar Augsburg tapaði 1-2 fyrir Ingolfstadt.

Í höfuðborginni gerðu svo Hertha og Dortmund markalaust jafntefli, en fyrir leikinn hafði Dortmund unnið alla sína leiki á nýja árinu.

Þá vann skemmtilegt lið Schalke 3-0 sigur á Wolfsburg, sem hafa ekki unnið deildarleik frá 5. desember á síðasta ári.

Stuttgart lagði Frankfurt, 4-2 á útivelli, en leikurinn var mjög fjörugur og fóru meðal annars tvö rauð spjöld á loft.

Mainz lagði Hannover af velli, 1-0, en sigurmarkið skoraði Jairo Samperio um miðbik fyrri hálfleiks.