---

Antoine Griezmann (26) ætlar að óska eftir að fá 400 þúsund pund í laun á viku til að hafna Barcelona og ganga í raðir Manchester United. (Sun)

Chelsea vill fá Thorgan Hazard (24) bróður Eden Hazard (27) frá Gladbach. (Bild)

Liverpool vill fá Thomas Lemar (22) frá Mónakó til að fylla skarð Philippe Coutinho sem er farinn til Barcelona. Liverpool ætlar að reyna að fá Lemar í þessum mánuði. (Mirror)

Aðrar fréttir segja að Liverpool muni ekki fá Lemar í sínar raðir í þessum mánuði. (Sky Sports)

Real Madrid var tilbúið að bjóða 177 milljónir punda í Coutinho áður en Barcelona keypti hann á 142 milljónir punda. (Mundo Deportivo)

Coutinho verður kynntur sem leikmaður Barcelona í dag en hann er hins vegar að glíma við smávægileg meiðsli og óvíst er hvenær fyrsti leikur hans með liðinu verður. (AS)

Coutinho borgaði sjálfur 11,5 milljónir punda til að láta félagaskiptin ganga í gegn. (Times)

Liverpool ætlar að reyna að flýta félagaskiptum miðjumannsins Naby Keita (22) frá RB Leipzig. Keita gengur í raðir Liverpool í sumar en félagið ætlar að reyna að ná samkomulagi um að fá hann í þessum mánuði. (Telegraph)

Eden Hazard (27) og Thibaut Courtois (25) leikmenn Chelsea eru efstir á óskalista Real Madrid í sumar. Félagið ætlar að bíða með að reyna að fá Harry Kane (24) framherja Tottenham en hann hefur lengi verið á óskalistanum. (Sky Sports)

Brasilíski kantmaðurinn Lucas Moura (25) vill fara frá PSG til Manchester United í þessum mánuði. (Telefoot)

Arsene Wenger, stjóri Arsenal, segist ekki vera nálægt því að kaupa nýjan leikmann. (Sun)

Bournemouth er að kaupa framherjann Sammie Szmodics (22) frá Colchester United á eina milljón punda. (Star)

Newcastle vonast til að fá kantmanninn Kenedy (21) frá Chelsea. (Newcastle Chronicle)

Leicester er nálægt þvi að krækja í framherjann Fousseni Diabate (22) frá Gazelec Ajaccio í frönsku B-deildinni. Verðmiðinn hljóðar upp á 1,7 milljón punda. (Leicester Mercury)

Leeds hefur sett vinstri bakvörðinn Laurens de Bock (25) hjá Club Brugge efstan á óskalista sinn. (Leeds Live)