„Þetta var fŕábær sigur á móti öflugu blikaliði," sagði Ólafur Páll Snorrason aðstoðarþjálfari FH eftir 0-3 sigur á Breiðabliki í 8 liða úrslitum Lengjubikarsins í kvöld.
Lestu um leikinn: Breiðablik 0 - 3 FH
„Þetta var hörkuleikur eins og við var að búast. Hinsvegar fannst mér við hafa yfirhöndina stærsta hluta leiksins svo ég er gríðarlega ánægður með leikinn. Blikarnir eru alltaf hættulegir og notuðu skyndisóknir þegar við vorum að missa boltann á hættulegum stöðum. Við vorum að þeir skyldu ekki jafna leikinn í 1-1 en þetta var hörkuleikur."
Robbie Crawford spilaði á miðjunni hjá FH í kvöld í sínum fyrsta leik. Hann var mjög áberandi í leiknum og skoraði fyrsta markið.
„Robbie kom sterkur inn og átti mjög góðan leik. Ég var mjög ánægður með hann," sagði Ólafur.
Ólafur Páll ræðir frekar í viðtalinu um leikmannahópinn. Hann segist vona að Veigar Páll Gunnarsson nái sér af meiðslum fljótlega eftir páska og spurniingamerki sé hvort Bjarni Þór Viðarsson nái að hefja Íslandsmótið. Aðrir verði klárir.
Kyle Cameron varnarmaður Newcastle æfir á reynslu með FH þessa dagana. En mun FH semja við hann?
„Það er í skoðun núna hjá okkur. Við tökum okkur nokkra daga í að skoða hvaða möguleikar eru með hann. Hann er mjög góður leikmaður, efnilegur og kraftmikill leikmaður. Hann stóð sig mjög vel á æfingunum hjá okkur. "
Athugasemdir
