„Sérstaklega svona fyrstu 10 mínuturnar til korter vorum við í brasi, að finna svona touch við boltann og leikinn, en miðað við 15 tíma ferðalag í gær og komum bara klukkan 2 í nótt var það bara eðlilegt að tæki smá tíma fyrir menn að koma sér í gang,“ sagði Túfa, þjálfari KA eftir 4-1 sigur á Selfossi í 8-liða úrslitum Lengjubikarsins í dag.
Lestu um leikinn: KA 4 - 1 Selfoss
„Undir lok fyrri hálfleiks fengum við tvö dauðafæri og ef við hefðum skorað úr þessum færi væri betri fílingur. En eftir fyrri hálfleik tölum við saman um að halda haus, halda þolinmæðinni og halda bara okkar stíl áfram, þá myndi markið koma og það gerðist nákvæmlega. Það hjálpaði að við skyldum skora snemma í seinni hálfleik og afgreiddum þetta vel.“
„Þetta er bara í rauninni hluti af undirbúningnum fyrir sumarið og að sjálfsögðu ætlum við að fara eins langt og við getum. Og við ætlum að vera klárir 1.maí þegar mótið byrjar, það er svona það mikilvægasta.“
KA-menn fengu danska framherjann Emil Lyng til liðs við sig í síðustu viku en hann var ekki með í dag. Tufa segir hann verða kláran á fimmtudaginn. Hann reiknar einnig ekki með frekari liðstyrk.
„Ekki eins og staðan er núna. Ég er bara mjög ánægður með hópinn og eins og ég var alltaf að ítreka, aðalmálið fyrir okkur var að halda hópnum frá því í fyrra og bæta hann aðeins. Ég held að núna eru menn að koma úr meiðslum sem voru að ströggla í vetur, þá er þetta bara komið hjá okkur, þetta er bara flottur hópur.“
Nánar rætt við Tufa hér að ofan.
Athugasemdir
