„Við getum ekki kvartað yfir neinu. Við erum með frábæran æfingavöll, frábært hótel og veðrið er líka gott," sagði Frederik Schram fyrir æfingu íslenska landsliðsins í Rússlandi í gær.
„Æfingarnar hafa verið mjög góðar og menn eru meira en klárir í fysrta leik gegn Argentínu. Við erum spenntir fyrir fyrsta leik og vonandi gengur hann vel."
„Æfingarnar hafa verið mjög góðar og menn eru meira en klárir í fysrta leik gegn Argentínu. Við erum spenntir fyrir fyrsta leik og vonandi gengur hann vel."
Hannes Þór Halldórsson er aðalmarkvörður íslenska landsliðsins en Frederik er að reyna að setja pressu á hann.
„Ég set alltaf pressu á markmann númer eitt ef ég er númer tvö. Það er engin spurning. Hannes er markvörður eitt og hann hefur staðið sig frábærlega. Ég er hér til að styðja hann. Allir eru að vinna í liðsandanum og ég styð markmann númer eitt þegar ég er ekki númer eitt. Ég geri það af fullum krafti að sjálfsögðu."
Frederik gerði slæm mistök gegn Norðmönnum á dögunum en þau kostuðu mark frá Joshua King.
„Þetta var ekki það besta sem gat komið fyrir mig. Þú þarft að takast á við svona hluti þegar þú ert markvörður. Ef þú gerir mistök þá kostar það líklega mark. Það er mikilvægast hvernig þú tekst á við þetta og hvernig þú kemur til baka. Ég hugsa ekki um það lengur."
„Við sjáum toppmarkmennina í heiminum gera mistök í hverri viku. Þetta voru ekki fyrstu mistökin mín og því miður verða þetta væntanlega ekki þau síðustu. Ég reyni að vera í góðu skapi og æfa vel á hverjum degi hér."
Hér að oafn má
Athugasemdir