Sverrir Ingi Ingason, varnarmaður Lokeren og íslenska landsliðsins, er á leið til Granada í spænsku úrvalsdeildinni. Spænskir fjölmiðlar greina frá þessu en þeir segja kaupverðið hljóða upp á 1,5 milljón evra.
Sverrir er uppalinn hjá Breiðabliki kom til belgíska félagsins Lokeren frá Viking í Noregi fyrir tveimur árum.
Granada er í næstneðsta sæti í La Liga, sex stigum frá öruggu sæti. Liðið hefur fengið 39 mörk á sig í vetur eða flest allra liða í deildinni og einungis unnið einn leik, gegn liði Sevilla sem er í 2. sæti. Sverrir á að reyna að hjálpa Granada að snúa þessu slaka gengi við.
Granada hefur leikið í efstu deild á Spáni síðan árið 2011 en liðið hefur nánast alltaf verið í fallbaráttu undanfarin ár. Í dag eru 13 lánsmenn á mála hjá Granada en þeir koma meðal annars frá liðum eins og Barcelona, Manchester United, Chelsea og Roma.
Andreas Pereira er á láni hjá Granada frá Manchester United en markvörður liðsins er Guillermo Ochoa sem sló í gegn með Mexíkó á HM 2014. Ochoa er í láni frá Malaga.
Hinn 23 ára gamli Sverrir hefur skorað þrjú mörk í níu leikjum með íslenska landsliðinu en hann kom við sögu í tveimur leikjum á EM í Frakklandi í fyrrasumar.
Stöðutaflan
Rússland
Efsta deild - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Zenit | 27 | 15 | 6 | 6 | 45 | 24 | +21 | 51 |
2 | FK Krasnodar | 27 | 14 | 8 | 5 | 41 | 26 | +15 | 50 |
3 | Dinamo | 27 | 14 | 8 | 5 | 46 | 35 | +11 | 50 |
4 | Lokomotiv | 27 | 11 | 11 | 5 | 45 | 37 | +8 | 44 |
5 | Spartak | 27 | 12 | 7 | 8 | 37 | 31 | +6 | 43 |
6 | Kr. Sovetov | 27 | 11 | 7 | 9 | 44 | 37 | +7 | 40 |
7 | Rostov | 27 | 11 | 7 | 9 | 39 | 40 | -1 | 40 |
8 | CSKA | 27 | 9 | 12 | 6 | 47 | 38 | +9 | 39 |
9 | Rubin | 27 | 10 | 8 | 9 | 26 | 33 | -7 | 38 |
10 | Akhmat Groznyi | 27 | 9 | 5 | 13 | 30 | 38 | -8 | 32 |
11 | Orenburg | 27 | 7 | 8 | 12 | 31 | 36 | -5 | 29 |
12 | Nizhnyi Novgorod | 27 | 8 | 5 | 14 | 25 | 38 | -13 | 29 |
13 | Fakel | 27 | 6 | 10 | 11 | 20 | 29 | -9 | 28 |
14 | Ural | 27 | 7 | 7 | 13 | 27 | 41 | -14 | 28 |
15 | Baltica | 27 | 7 | 5 | 15 | 29 | 34 | -5 | 26 |
16 | Sochi | 27 | 4 | 8 | 15 | 28 | 43 | -15 | 20 |
Athugasemdir