Middlesbrough sigraði Norwich City með einu marki gegn engu í ensku fyrstu deildinni í kvöld en sigurmarkið kom í byrjun leiks.

Norski landsliðsmaðurinn, Alexander Tettey, varð fyrir því óláni að koma knettinum í eigið net þegar átta mínútur voru búnar af leiknum.

Það reyndist eina mark leiksins og lokatölur því 0-1. Middlesbrough er því komið á toppinn með 84 stig þegar tveir leikir eru eftir af deildinn en liðið freistar þess að fara beint upp í úrvalsdeild og losa sig við umspilsleikina.