Gunnar segist aldrei hafa verið eins stressaður fyrir leik! Hér standa feðgarnir í ströngu í leiknum í dag.
49 ára varnarmaður Sindra, Gunnar Ingi Valgeirsson, var í eldlínunni í bikarleiknum gegn FH í dag. Fyrir aftan hann í marki Sindra stóð svo sonur hans, Róbert Marvin Gunnarsson, sem hafði nóg að gera.
Lestu um leikinn: FH 6 - 1 Sindri
„Ég hef aldrei verið eins stressaður fyrir leik og í dag," sagði Gunnar. „Ég er búinn að vera á nálum í allan dag en um leið og flautið kom þá hvarf stressið. Þetta var virkilega gaman og maður naut hverrar mínútu meðan maður var inná vellinum."
„Þegar ég spilaði minn fyrsta meistaraflokksleik held ég að enginn í okkar liði hafi verið fæddur."
Gunnar segir að það hafi verið skemmtilegt að spila með soninn fyrir aftan í markinu.
„Maður heyrði stundum 'Vel gert pabbi!' Þetta er mjög gaman og þess vegna er maður enn í þessu. Maður heldur sér í formi með fótboltaæfingunum, maður má aldrei stoppa og heldur áfram á haustin. Ég hef verið heppinn með meiðsli."
Viðtalið má sjá í sjónvarpinu hér að ofan en þar er einnig rætt við son Gunnars, Róbert markvörð.
Athugasemdir