Fjölmörg ensk götublöð munu á morgun birta sömu söguna varðandi 8-0 tap Sunderland gegn Southampton í ensku úrvalsdeildinni um helgina.
Sunderland var gersamlega niðurlægt á útivelli gegn lærisveinum Ronald Koeman og nú hefur markvörðurinn Vito Mannone greint frá því að félagið hyggist endurgreiða stuðningsmönnum sem fóru á völlinn.
Samkvæmt The Sun borguðu tæplega 2.600 stuðningsmenn um 175 pund fyrir ferðina til Southampton, til þess eins að verða vitni að algerri niðurlægingu.
Er haft eftir Mannone að allt verði gert til þess að endurgreiða stuðningsmönnunum.
Athugasemdir