Andri Rúnar Bjarnason, framherji Grindvíkinga, vonast til að fá að reyna fyrir sér í atvinnumennsku erlendis á næsta ári.
Hinn 26 ára gamli Andri hefur skorað átján mörk í Pepsi-deildinni í sumar og gæti bætt markametið í efstu deild. Samningur hans við Grindavík rennur út eftir tímabilið og þá ætlar Andri að reyna að fara út.
Hinn 26 ára gamli Andri hefur skorað átján mörk í Pepsi-deildinni í sumar og gæti bætt markametið í efstu deild. Samningur hans við Grindavík rennur út eftir tímabilið og þá ætlar Andri að reyna að fara út.
„Ég stefni á að fara út. Það er markmið númer 1, 2 og 3. Ég er ekki að spá í öðru eins og er," sagði Andri við Fótbolta.net í dag.
„Ég hef heyrt af einhverjum áhuga en ég er með aðra sem spá í því fyrir mig. Ég þarf þá ekki að einbeita mér að því."
„Ég tel mig eiga fullt erindi í að fara út. Ég er á góðum aldri finnst mér og ég tel að ég sé tilbúinn í að fara út. Ég tel mig vera það andlegan sterkan að ég eigi að geta gert eitthvað frá fyrsta degi."
Sjá einnig:
Bestur í 20. umferð: Vona að Milos láti mig vita hvað það er
Athugasemdir