Hinn 38 ára gamli Jóhannes er að hætta sem þjálfari Fløy í norsku C-deildinni en hann hefur verið erlendis frá aldamótum bæði sem leikmaður og þjálfari.

„Ég hef reynt að fylgjast eins vel með íslenska boltanum og ég hef getað en það er ákveðin áskorun að koma inn í þetta aftur og kynnast íslenska boltanum upp á nýtt. Við höfum rætt mikið um leikmannamál í dag og næstu dagar fara í að kynnast þessu eins vel og mögulegt er."

„Vonandi getum við haldið kjarnanum í leikmannahópnum. Það er eðlilegt að einhverjir komi og fari en við viljum ræða við alla leikmenn sem við viljum halda. Það verður einnig vinna næstu daga að fara í gegnum þau mál."

„Við viljum stefna hærra en síðasta tímabil, það er markmið númer eitt. Svo munum við setjast niður og setja okkur markmið. Mig klæjar í fingurna að byrja," segir Jóhannes en ÍBV hafnaði í tíunda sæti og var einu stigi frá fallsæti.

Viðtalið má sjá í heild sinni í sjónvarpinu hér að ofan.