Pogba hefur verið gagnrýndur fyrir slappa byrjun hjá United á leiktíðinni en hann er dýrasti knattspyrnumaður allra tíma. Shaw er hins vegar sáttur við Frakann og segir hann einn besta miðjumann í heimi.

Shaw var spurður hvað Pogba kæmi með fyrir liðið.

„Hann dansar mikið í búningsklefanum," grínaðist Shaw. „Hann hjálpar til í búningsklefanum. Það hafa allir séð hann síðustu tvö ár og vita hvað hann er góður. Hann var valinn í úrvalsliðið í heiminum á síðasta ári og það er ástæða fyrir því."

„Hann er einn af bestu miðjumönnum heims. Hann er enn að aðlagast og því verður hann bara betri," sagði Shaw.