Í dag hefst 22. umferð ensku úrvalsdeildarinnar á þessu leiktímabili. Það er nóg af hörkuleikjum, en eins og venjan er, þá eru þrír þeirra sýndir í beinni.

Dagyrinn hefst með látum, en í hádeginu fer Íþróttamaður ársins, Gylfi Þór Sigurðsson, á Anfield og mætir þar Liverpool með sínu liði Swansea. Það hefur ekki gengið nægilega vel hjá Gylfa og félögum á þessu tímabili, en það verður fróðlegt að sjá hvernig fer í dag.

Kl. 15:00 eru fimm leikir og þar ber hæst leikur Manchester United og Stoke City á heimavelli síðarnefnda liðsins. Bæði lið hafa verið að gera góða hluti upp á síðkastið og því má búast við hörkuleik.

Lokaleikur dagsins er svo enginn smá leikur! Þá fær Manchester City, Tottenham í heimsókn í mikilvægum leik í toppbaráttu deildarinnar. Tottenham hefur verið á siglingu, en það hefur ekki gengið eins vel hjá Man City upp á síðkastið.