Þeir sem geta ekki beðið eftir Meistaradeildinni geta hitað upp fyrir hana með því að stilla á Stöð 2 Sport 3 klukkan 17:45. Þá heimsækir Real Madrid lið Leganes í spænsku úrvalsdeildinni.

Leganes er það lið sem er með hvað minnst á milli handanna af þeim liðum sem leika í deild þeirra bestu á Spáni. En þetta "litla lið" hefur nú þegar unnið Real, eitt stærsta lið veraldar ef ekki það stærsta, einu sinni á þessu leiktímabili.

Það var þann 24. janúar, fyrir um mánuði síðan, á Santiago Bernabeu, í 8-liða úrslitum spænska bikarsins. Leganes tókst að slá Ronaldo og félagar úr bikarnum!