Íslenska landsliðið þarf að hafa góðar gætur á skærustu stjörnu svissneska landsliðsins á morgun. Leikmenn íslenska liðsins vita vel hvað Ramona Bachmann getur en hún skoraði annað mark Sviss í 2-0 sigri gegn Íslandi í undankeppninni fyrir HM 2015.
Sviss vann heimaleik sinn gegn Íslandi 3-0 og vann á endanum riðilinn með nokkrum yfirburðum og komst á HM.
Ramona Bachmann notaði svo stóra sviðið sem HM er til að opinbera það að hún væri samkynhneigð og væri búin að vera í sambandi með konu í ár.
Á þessum tíma spilaði hún með Rosengard í Svíþjóð.
„Ég er mjög opin. Mér er alveg sama hvort einstaklingur sé með karlmanni eða kvenmanni. Það hjálpar að í Svíþjóð er umræðan um þetta einnig mjög opin og auðvelt að vera samkynhneigður," sagði Bachmann þegar hún kom úr skápnum.
Eftir HM fór Ramona til Wolfsburg en í dag spilar hún með Chelsea á Englandi. Hún er 26 ára og hefur unnið fjölda einstaklingverðlauna þó stærsta afrekið sé að hafa hjálpað kvennalandsliði Sviss að komast í fyrsta sinn á HM.
Leikurinn á morgun laugardag verður klukkan 16:00 að íslenskum tíma.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir