Þrír leikir eru á dagskrá í ensku úrvalsdeildinni í dag.

Fyrsti leikur dagsins er leikur Southampton og Leicester í hádeginu. Englandsmeistarar Leicester hafa verið langt frá því eins góðir og á síðustu leiktíð og þurfa þeir á stigum á halda, ef þeir ætla ekki að vera í bullandi fallbaráttu allt til loka.

Arsenal freistast svo til að skella sér upp í 2. sæti með sigri á Jóa Berg Guðmundssyni og félögum á heimavelli. Burnley er um miðja deild en þeim hefur ekki gengið sérstaklega vel á útivelli í vetur.

Chelsea og Hull eigast svo við í síðasta leik dagsins og verður forvitnilegt að sjá hvort Diego Costa, framherji Chelsea, komi til baka eftir rifrildi á æfingasvæðinu og ýmsar sögusagnir um framtíð hans hjá félaginu eftir það. Chelsea getur verið með níu stiga forskot á toppi deildarinnar ef önnur úrslit falla með þeim og þeir vinna Hull.