Leitað að legghlífum.
Það var fyndin uppákoma í leik KR og Fram í Bestu-deild karla á laugardaginn þegar línuverði og skiltadómara gekk illa að finna legghlífar á sköflungi Rúriks Gunnarssonar.
Lestu um leikinn: KR 0 - 1 Fram
Rúrik þurfti óvænt að koma inná á 51. mínútu leiksins þegar Jóhannes Kristinn Bjarnason meiddist illa á fæti og var borinn af velli.
Þegar leikmenn koma inná fer dómarateymið yfir búnað þeirra og eitt af því sem er skylda er að hafa legghlífar á sköflungnum.
Legghlífar Rúriks voru svo litlar að dómararnir þurftu hreinlega að leita. Þeir höfðu gaman af þegar legghlífarnar fundust.
Rúrik er unglingalandsliðsmaður sem kom í KR frá Breiðabliki fyrir tímabilið 2022 og hefur verið lánaður til KV og Aftureldingar undanfarin ár. Hann er sonur Gunnars Einarssonar þjálfara kvennaliðs KR.
Athugasemdir
