Ómar Castaldo Einarsson hefur fengið félagaskipti til Víkings Ólafsvíkur og mun spila með liðinu í 2. deild í sumar.
Ómar er 23 ára markvörður sem var í leikmannahópi Þórs í fyrra og lék tvo leiki í bikarnum. Hann gerði tveggja ára samning við Þór fyrir síðasta tímabil en í vetur varð ljóst að hann yrði ekki áfram.
Ómar er 23 ára markvörður sem var í leikmannahópi Þórs í fyrra og lék tvo leiki í bikarnum. Hann gerði tveggja ára samning við Þór fyrir síðasta tímabil en í vetur varð ljóst að hann yrði ekki áfram.
Ómar er uppalinn í KR og lék á sínum tíma fimm leiki fyrir unglingalandsliðin. Hann á að baki 21 leik í B-deild, 22 í C-deild og 18 leiki í D-deild, alla fyrir KV.
2. deild byrjar 4. maí og Víkingur Ólafsvík á leik gegn Völsungi á heimavelli í fyrstu umferð.
Ómar var á varamannabekknum í liði ársins í 3. deild sumarið 2020 og í 2. deild sumarið 2021.
Athugasemdir