Manchester United reynir að fá varnarmanninn Sergio Ramos (29) frá Real Madrid sem hluta af samkomulaginu um að markvörðurinn David De Gea (24) fari í öfuga átt. Real vill 46,5 milljónir punda fyrir Ramos og fer væntanlega fram á að fá upphæð ásamt Dea Gea í skiptunum. (Independent)

Ramos er sagður óánægður hjá Real Madrid og vilji yfirgefa félagið. (AS)

Liverpool hefur komið með nýtt og hærra tilboð í varnarmiðjumanninn Asier Illarramendi (25) hjá Real Madrid. Tilboðið er upp á 16 milljónir punda og gæti spænska félagið samþykkt það. (Marca)

Liverpool er með augu á kólumbíska sóknarmanninum Carlos Bacca (28) hjá Sevilla og framherjanum Salomon Rondon (25) frá Kólumbíu en hann leikur með Zenit í Pétursborg. Félagið gæti reynt við þá ef því mistekst að fá Christian Benteke (24) frá Aston Villa.. (Liverpool Echo)

Brendan Rodgers mun á endanum kaupa alla þessa þrjá menn: Illarramendi, Bacca og Rondon í viðskiptum sem samtals hljóða upp á 75 milljónir punda. (Daily Star)

West Ham vill kaupa miðjumanninn Mousa Dembele (27) frá erkifjendunum í Tottenham á 12 milljónir punda. Chelsea hefur einnig áhuga á Belganum. (Sun)

West Ham er sannfært um að nýtt 14 milljóna punda tilboð í framherjann Dimitri Payet (28) muni duga til að fá leikmanninn frá Marseille. (Guardian)

Petr Cech, markvörður Chelsea, hefur náð munnlegu samkomulagi við Arsenal en félögin hafa ekki náð samkomulagi um kaupverðið. (SkySprots)

Andros Townsend (23), vængmaður Tottenham, gæti verið á leið til Sunderland. (Newcastle Chronicle)

Tottenham mun taka á sig 15 milljóna punda tap með því að selja Roberto Soldado til Galatasaray fyrir 11 milljónir punda eins og stefnir í. (Daily Mirror)

Raheem Sterling fór fyrr úr fríi sínu á Ibiza þar sem Manchester City íhugar að hækka tilboð sitt í vængmanninn tvítuga í 50 milljónir punda. (Daily Mail)

Jackson Martinez (28), sóknarmaður Porto, bíður eftir því að Arsenal geri tilboð í sig eftir að hafa hafnað möguleikanum á því að fara til AC Milan. (Daily Express)

Ronald Koeman er tilbúinn að setja nýtt félagsmet með því að kaupa varnarmanninn Toby Alderweireld (26) frá Atletico Madrid á 18 milljónir punda. (Daily Mirror)

Andrea Pirlo (36) miðjumaður Juventus verður liðsfélagi Frank Lampard hjá New York City FC. (Goal.com)

Stjórn Crystal Palace er ekki tilbúin að borga 15 milljónir punda fyrir sóknarmanninn Charlie Austin frá QPR og gæti komið í veg fyrir kaupin. (Daily Mirror)

Southampton hefur blandað sér í baráttuna um Austin. (Daily Express)

Benfica og Real Sociedad vilja fá framherjann Joel Campbell hjá Arsenal. (Sun)

Miðjumaðurinn Abdisalam Ibrahim (24) hjá Olympiakos er á óskalistum hjá Bournemouth og Watford, nýliðum í ensku úrvalsdeildinni. (Daily Star)

Varnarmaðurinn Luke Garbutt (22) mun hafna því að fara til Bournemouth og mun skrifa undir nýjan fimm ára samning við Everton. (Liverpool Echo)

Ólíklegt er að sóknarmiðjumaðurinn Michu snúi aftur til Swansea í sumar en hann var hjá Napoli á láni síðasta tímabil. (Daily Mail)