Lestu um leikinn: FH 1 -  1 ÍBV

„Mér fannst við spila vel í dag. Við ætluðum okkur sigur og mér fannst við eiga sigurinn skilið en við erum ánægðar með stigið. Þetta var mikill baráttuleikur og bæði lið fengu marktækifæri en þegar fór að líða að leikslokum fannst mér við halda boltanum vel og eiga fullt af tækifærum sem við hefðum átt að nýta betur.“

FH var ekki lengi að svara fyrir sig eftir að hafa lent undir en Caroline Murray skoraði eftir góða pressu og klaufalegt úthlaup Adelaide Ann Gay í Eyjamarkinu. Megan hrósaði hinni vinnusömu Caroline fyrir markið.

„Þetta var frábært mark hjá Caroline og lýsandi fyrir vinnusemi hennar. Hún fer ein á ein gegn markmanninum og skorar frábært mark utan af kanti. Það sýndi mikinn karakter hjá liðinu að koma til baka og berjast fram að lokum.“

FH-liðið er nokkuð pressulaust um miðja deild en það geislar af því góð stemmning og vilji til að safna stigum. Við spurðum Megan út í það.

„Við höfum oft engu að tapa í leikjunum og erum oft lítilmagninn. Því geta fylgt ákveðnir kostir. Við mætum bara og gefum allt í leikina, sýnum hinum liðunum að við séum samkeppnishæfar,” sagði miðjumaðurinn öflugi meðal annars en nánar er rætt við hana í sjónvarpinu hér að ofan.