Kantmaðurinn eldsnöggi Yannick Bolasie er byrjaður að mæta aftur á æfingar eftir 11 mánaða fjarveru.
Bolasie meiddist í leik gegn Manchester United í ensku úrvalsdeildinni í desember á síðasta ári og hefur ekkert spilað síðan þá. Hann þurfti að fara í tvær aðgerðir í kjölfarið.
Bolasie meiddist í leik gegn Manchester United í ensku úrvalsdeildinni í desember á síðasta ári og hefur ekkert spilað síðan þá. Hann þurfti að fara í tvær aðgerðir í kjölfarið.
Bolasie æfði með strákunum í U-23 ára liði Everton í síðustu viku og í dag æfir hann með Gylfa Sigurðssyni og félögum í aðalliðinu.
Í tilkynningu frá félaginu segir að klappað hafi verið fyrir Bolasie áður en æfing hófst hjá aðalliðinu í dag.
Bolasie gekk í raðir Everton á síðasta ári, fyrir 25 milljónir punda frá Crystal Palace. Stuðningsmenn hafa ekki séð mikið af honum í treyju Everton, en hann hefur aðeins leiki 15 leiki fyrir félagið.
Hér að neðan eru nokkrar myndir frá æfingunni.
Athugasemdir