Þetta var fyrsti leikur Alfreðs síðan í október en þá fór hann af velli í leik Íslands og Tyrklands.

Alfreð hefur síðan þá verið að glíma við þrálát nárameiðsli en um er að ræða bólgur í lífbeini sem leiða niður í nárann.

Undanfarnar vikur hefur Alfreð verið að komast í gang á nýjan leik á æfingum og nú styttist í endurkomu hans í þýsku Bundesliguna.

Alfreð byrjaði undankeppni HM á því að skora í fyrstu þremur leikjum Íslands en hann verður fjarri góðu gamni gegn Kosóvó annað kvöld.