Kristófer Ingi Kristinsson þreytti frumraun sína í hollensku úrvalsdeildini í dag. Hann kom inn á sem varamaður í uppbótartíma er Willem II bar sigur úr býtum gegn Roda JC.
Kristófer hefur undanfarnar vikur æft með aðalliði Willem II og í dag lék hann sinn fyrsta leik fyrir aðallið félagsins. Hann hefur áður verið í leikmannahópnum en aldrei spilað, fyrr en í dag.
Kristófer hefur undanfarnar vikur æft með aðalliði Willem II og í dag lék hann sinn fyrsta leik fyrir aðallið félagsins. Hann hefur áður verið í leikmannahópnum en aldrei spilað, fyrr en í dag.
Kristófer er 18 ára sóknarmiðjumaður sem kom til Willem II frá Stjörnunni 2016. Hann hefur leikið fyrir U17 og U19 landslið Íslands.
Willem er í 14. sæti hollensku úrvalsdeildarinnar eftir þennan sigur, sex stigum frá fallpakkanum.
Annars kom Albert Guðmundsson ekki við sögu þegar PSV styrkti stöðu sína á toppnum með 3-1 sigri á Feyenoord.
Albert sat allan tímann á varamannabekknum.
Athugasemdir
