Fylkir komst í 2-0 í fyrri hálfleiknum en í síðari hálfleiknum voru Keflvíkingar sterkari þó þeir hafi ekki náð að skora fyrr en þeir fengu vítaspyrnu í uppbótartíma.

„Við vorum mjög góðir í fyrri hálfleik en þá lá svolítið á okkur í seinni hálfleik þegar við vorum á móti vindinum. Þetta spilaðist bara svona og það var flott," sagði Ólafur.

Ólafur hefur undanfarna daga æft með þeim landsliðsmönnum sem eru komnir hingað til lands og segir hann það vera frábæra upplifun.

„Það er bara algjör snilld. Það er aukabónus og þetta er hálf lygilegt. Maður er eiginlega bara starstruck að vera í kringum í þessa gæja," sagði Ólafur