---

Manchester United hefur lagt fram 35 milljóna punda tilboð í Sergio Ramos varnarmann Real Madrid. Ramos hefur beðið Real um að skoða tilboðið vel og vandlega. (Daily Mail)

Real ætlar að reyna að fá Laurent Koscielny varnarmann Arsenal á 21 milljón punda til að fylla skarð Ramos. (Daily Mirror)

Manchester United hefur sagt Barcelona að Angel Di Maria sé ekki til sölu. (Daily Mirror)

Manchester United og Liverpool eru að berjast um Carlos Bacca framherja Sevilla en hann er falur fyrir 21 milljón punda. (Daily Telegraph)

Manchester City er að íhuga þriðja tilboðið í Raheem Sterling leikmann Liverpool. (Manchester Evening News)

Christian Benteke fær ekki að fara frá Aston Villa nema eitthvað félag sé tilbúið að borga 32,5 milljónir punda sem er riftunarverðið í samningi hans. (Guardian)

Everton vonast eftir að ganga frá kaupum á Gerard Deulefeu í dag en hann kemur frá Barcelona. (Liverpool Echo)

Morgan Schneiderlin hefur náð samkomulagi um að fá að fara frá Southampton. Arsenal, Manchester United og Tottenham ætla að reyna að kaupa miðjumanninn á 24 milljónir punda. (Daily Mail)

Southampton gæti fengið Giannelli Imbula miðjumann Marseille til að fylla skarð Schneiderlin. (Daily Express)

Chelsea er í viðræðum við Ramires um nýjan samning. (Daily Telegraph)

Arsenal ætlar ekki að drífa sig í að gera nýjan samning við Jack Wilshere jafnvel þó að Manchester City hafi sýnt honum áhuga. (Sun)

Chelsea gæti reynt að fá Baba Rahman vinstri bakvörð Ausburg en Arsenal og Manchester City hafa líka áhuga á þessum tvítuga leikmanni. (Evening Standard)

Lukas Podolski segir að það hafi verið mistök að fara til Inter á láni í janúar en hann stefnir á að vinna sér inn sæti í byrjunarliði Arsenal á nýjan leik. (Bild)