AZ Alkmaar lagði Twente með tveimur mörkum gegn engu í hollensku úrvalsdeildinni í dag en Aron Jóhannsson var á skotskónum fyrir AZ.
Aron skoraði mark sitt á 35. mínútu leiksins en þetta var sjötta mark hans í hollensku deildinni á þessari leiktíð.
Hann hafði ekki skorað frá því í byrjun mars og eflaust mikill léttir fyrir bandaríska landsliðsinsmanninn að komast aftur á blað.
AZ Alkmaar er nú í fjórða sæti deildarinnar með 56 stig, þremur stigum á eftir Feyenoord sem er í þriðja sæti.
Athugasemdir