Fjórir leikmenn Fenerbahce voru reknir af velli í jafnteflinu. Staðan var markalaus eftir mjög rólegan fyrri hálfleik en heimamenn í Basaksehir komust tveimur mörkum yfir á fyrsta korteri síðari hálfleiksins.

Diego minnkaði muninn fyrir gestina á 81. mínútu, eftir stoðsendingu frá Raul Meireles, en þremur mínútum síðar var Mehmet Topuz rekinn af velli.

Á 88. mínútu jafnaði Pierre Webo og þá lagði Fenerbahce allt í sölurnar en missti þrjá leikmenn af velli og fékk dæmda vítaspyrnu á sig í uppbótartímanum.

Mehmet Batdal tók vítaspyrnuna fyrir heimamenn á 95. mínútu og hefði fullkomnað þrennuna með marki en brenndi af. Skömmu síðar fékk Webo rautt spjald fyrir að sparka í höfuðið á andstæðingi sínum og var leikurinn flautaður af á 100. mínútu.

Fernando Muslera og Wesley Sneijder voru þá í lykilhlutverki í 2-0 sigri Galatasaray gegn Demba Ba og félögum í Besiktas sem lýkur keppni í þriðja sæti.