Daily Mirror fullyrðir það í dag að Frank Lampard hafi samþykkt að framlengja lánsdvöl sinni hjá Manchester City.
Manuel Pellegrini, stjóri City, hefur róið öllum árum að því að njóta þjónustu Lampard lengur, sérstaklega í ljósi þess að Yaya Toure fer í Afríkukeppnina í janúar.
Manuel Pellegrini, stjóri City, hefur róið öllum árum að því að njóta þjónustu Lampard lengur, sérstaklega í ljósi þess að Yaya Toure fer í Afríkukeppnina í janúar.
Lampard hefur staðið sig afar vel á tímabilinu en hann er á City á lánssamningi frá New Yourk City FC í MLS-deildinni.
Lánssamningurinn er til áramóta en útlit er fyrir að City haldi honum fram í miðjan febrúar allavega en MLS-deildin hefst ekki fyrr en í mars.
City er í öðru sæti ensku úrvalsdeildarinnar, þremur stigum á eftir toppliði Chelsea, en miklar líkur eru á einvígi milli þessara tveggja liða um enska meistaratitilinn.
Athugasemdir