Gregg Ryder, þjálfari Þróttar var sáttur við drátt liðsins í 16-liða úrslitum Borgunarbikarsins en dregið var í Laugardalnum í dag.
Þróttur fær Gróttu í heimsókn í Laugardalinn og miðað við liðin sem eftir voru í pottinum var Ryder sáttur.
Þróttur fær Gróttu í heimsókn í Laugardalinn og miðað við liðin sem eftir voru í pottinum var Ryder sáttur.
„Við erum ánægðir með að hafa fengið heimaleik, drátturinn verður að teljast góður því það eru mörg lið úr Pepsi deildinni að spila við hvort annað."
„Grótta verður erfiðari andstæðingur en Völsungur, þeir hafa verið að standa sig vel."
Hann er spenntur fyrir að spila í bikarnum.
„VIð viljum alltaf gera vel í bikarnum, við höfum verið sterkir í bikarnum siðustu ár og komumst í 8-liða úrslit í fyrra."
Ryder gerði margar breytingar á liðinu fyrir síðasta deildarleik gegn Völsungi og býst hann við að gera slíkt hið sama gegn Gróttu.
„Við erum með stóran hóp og marga hæfileikaríka leikmenn, við vildum rúlla liðinu og gefa öllum tækifæri og sérstaklega eftir að hafa tapað 4-1 í leiknum á undan."
Þróttur á ÍBV í næstu umferð í Pepsi deildinni og er Gregg brattur fyrir leikinn.
„Ég var þar í þrjú ár og mig hlakkar til að spila við þá. Við erum á heimavelli og við höfum staðið okkur vel á heimavelli í sumar."
Viðtalið má sjá í heild sinni hér að ofan.
Athugasemdir