„Sjálfstraustið ætti að vera í lagi hjá Englendingum. Þeir spila skipulagt 4-4-2 sem er erfitt að brjóta niður en Englendingar ættu að líta á þetta sem leik sem þeir ættu að vinna."

Hann hrósaði hins vegar Íslandi fyrir það sem þeir hafa náð að gera hingað til á mótinu.

„Þeir hafa gert gríðarlega vel, miðað við hversu fáa leikmenn þeir geta valið úr, þeir eru að gera töluvert meira en búist var við. Þeir eru skiplagðir og það er erfitt að vinna þá. Það kunna allir sitt hlutverk og gera það vel en til að vera raunsær og án þess að vera með óvirðingu þá er þetta leikur sem England má ekki tapa."

„Allir heima á Íslandi eru eflaust hæstánægðir með að þeir fóru svona langt en ef Engand fellur úr leik, verður það mjög niðurlægjandi."

Hann talar um vörnina hjá Íslandi og að hún geti orðið mjög sterk og England ætti í erfiðleikum með að brjóta hana niður.

„Ef það er eitthvað sem ég óttast er það að England hefur átt í erfiðleikum með að brjóta niður þettar varnir, þeir hafa ekki náð að skapa nógu mörg færi. Þeir urðu svolítið örvæntingafullir undir lokin á móti Slóvakíu. Við vitum hvað Ísland hefur upp á að bjóða. England hefur haft nægan tíma til að undirbúa sig fyrir það og Roy Hodgson og liðið hans verða að finna hvað þeir eiga að gera gegn þessari vörn."

Hann talar um niðurlægingu ef Ísland vinnur.

„Það yrði mjög niðurlægjandi, ég er ekki með óvirðingu, það er staðreynd. Land með um það bil 300.000 manns á meðan við erum risastórt land og með mikið fleiri leikmenn til að velja úr. Leikmenn með reynslu af landsliðum, ensku úrvalsdeildinni og reynslu í Evrópu. Leikmann fyrir leikmann, England á að vinna þennan leik."

„Þetta væri eins og England myndi detta út á móti Lúxemborg."

Hann spáir 2-0 sigri ef England nær að skora snemma.

„Ef England skorar snemma býst ég við 2-0 sigri en ég hef áhyggjur af því ef Ísland er mjög gott varnarlega, nái að halda 0-0 í hálfleik, þá mun Ísland fá meiri trú og England stressast svolítið og Ísland gæti haldið út. Þeir eru mjög góðir í föstum leikatriðum og hafa skorað í hverjum einasta leik hingað til, þeir eru ógnandi en það væru mikið stórslys ef Ísland vinnur."

Viðtalið má sjá í heild sinni hér að ofan.

Fótbolti.net er með öflugt teymi á Evrópumótinu og færir ykkur fjölmargar fréttir daglega. Einnig er fylgst grannt með gegnum helstu samskiptamiðla.
- Vertu með okkur á Twitter með því að nota kassamerkið #fotboltinet fyrir færslur um mótið.
- Fótbolti.net á Snapchat: Fotboltinet
- Fótbolti.net á Instagram: Smelltu hér til að sjá .Net á Instagram.
Fótbolti.net á Facebook: Smelltu hér til að fara á heimasvæði Fótbolta.net á Facebook.

FARÐU Á EM SÍÐU FÓTBOLTA.NET