„Ég, rétt eins og öll íslenska þjóðin, er að rifna úr stolti yfir gengi íslenska karlalandsliðsins í knattspyrnu. Ég er svo heppinn að þekkja nokkra í liðinu og veit hversu mikið þeir hafa lagt á sig til að uppskera slíkan árangur. Einn af mínum góðu vinum er Hannes Þór Halldórsson sem vægast sagt hefur slegið í gegn í Frakklandi," sagði Jón við lagið á Facebook.

„Hannesi kynntist ég fyrir rúmum 14 árum í Verzlunarskólanum og hef frá þeim tíma fylgst með öllum litlu skrefunum sem hann hefur tekið í átt að þeim stað sem hann er á í dag. Ferill þessa drengs er magnaður því þrátt fyrir að vera kosinn besti markvörður Shell-mótsins árið 1994 var leið hans á toppinn ansi hlykkjótt og hefur Hannes Halldorsson þurft að sigrast á mörgum hindrunum á sinni vegferð."

Hannes klippti í vetur auglýsingu frá N1 fyrir íslenska landsliðið en þar var lag Jóns "Gefðu allt sem þú átt" í nýjum búning eftir að Salka Sól Eyfeld og Kristjan Sturla Bjarnason höfðu lagt hönd á plóg. Snorri Barón Jónsson og Allan Sigurdsson hjápuðu Jóni síðan að gera myndbandið. Hér má sjá lagið í fullri lengd í myndbandi þar sem farið er yfir feril Hannesar.