Ásmundur Arnarsson, þjálfari Fylkis í Pepsi-deild karla, var auðvitað svekktur með tap liðsins gegn FH í kvöld.
Ingimundur Níels Óskarsson og Emil Pálsson skoruðu mörk FH-inga í kvöld en Fylkismenn höfðu átt fínan leik fram að mörkunum tveimur sem komu undir lok leiks.
,,Við erum auðvitað svekktir að tapa hérna á heimavelli og við ætluðum að reyna vinna þennan leik að sjálfsögðu. Við lögðum mikið í leikinn og börðumst vel, lengi af var stutt í tækifærin og við vildum ná að setja eitt og halda markinu hreinu," sagði Ásmundur.
,,Hann gerði það aðeins og það fækkaði möguleikum eftir því sem leið á en við lögðum mikið í hann og pressuðum þá svolítið í þetta. Þetta voru ágætis skiptingar hjá þeim, þrátt fyrir að mikið vantaði þá voru gæðin ágæt."
Kristján Hauksson er byrjaður að æfa með Fylkismönnum en hann vonast til að hann verði kominn á gott ról bráðlega.
,,Hann er byrjaður að æfa sem er mjög gott. Við erum búnir að heyra í honum reglulega og nú er hann mættur og reynir að komast í stand. Við erum að fá Agnar Braga meira og meira og Finn Ólafs."
Bjarni Þórður Halldórsson kom aftur í markið í kvöld og átti góðan leik en Ási var ánægður með hann.
,,Bjarni stóð sig mjög vel og ég var virkilega ánægður með hann," sagði Ási að lokum.
Hægt er að sjá viðtalið í heild sinni hér fyrir ofan.
Athugasemdir