Sakho er kominn úr banni
UEFA ætlar ekki að framlengja 30 daga bann yfir Mamadou Sakho, eftir að leikmaðurinn féll á lyfjaprófi.
Sakho féll á lyjfaprófi eftir leik Liverpool og Manchester United í Evrópudeildinni þann 17. mars, en honum verður líklega ekki refsað frekar.
Hann hefur ekki spilað með liðinu síðan um miðjan apríl og missti meðal annars af leik liðsins gegn Sevilla í úrslitaleik Evrópudeildarinnar.
Talið var að Sakho yrði refsað frekar og hann myndi fá allt að tveggja ára bann fyrir að hafa fallið á lyfjaprófinu, en UEFA ætlar að skoða málið betur á næstu dögum.
Sakho viðurkenndi að hafa innbyrt brennslutöflur, en hann fullyrti þó að töflurnar væru ekki á bannlista hjá UEFA.
„30 daga banni Sakho lýkur í dag. Formaður stjórnunar-, siðferðis- og aganefndar hefur ákveðið að framlengja það ekki," sagði í yfirlýsingu frá UEFA.
„Leikmaðurinn má spila frá og með morgundeginum, en endanleg ákvörðun mun verða tekin á næstu dögum."
Athugasemdir
